Det var ein nydelig dag for fotball og Austrheim Stadion låg bada i solskinn då Samarbeidslaget tok imot NHH.  Bana var i forholdsvis god stand og det er tydeleg at banemannskapet med Kjetil Haugland i spissen har hatt grøne fingrar i år. Vidare hadde Kjell Tore Karlsen droppa sin tradisjonelle Bridge-kveld for å sjå sonen og trenar Tor-Eivind Karlsen føre Austrheim/Lindås til årets første 3’poenger.

Frå førre kamp var Kjetil Bjørsvik med igjen og tok høgrebackplassen frå Jan-Terje Sætre. Endre Brandtun var ute med skada og her tok Terje Håland over på midtstopperplass. Elles er laget uendra frå Rosendal- kampen. Det var brei dekning på benken til tross for at Espen Dahle var utelatt frå troppen ved ein feiltagelse då den blei lagt ut på heimesia. Før kampen var det fokus på å spele med lav risiko bak i tillegg til å involvere midtbana offensivt.

Første halvleik starta litt bølgjande og etter 8 minutt kjem NHH sin småraske høgrekant forbi Terje Alvik. Terje Alvik er rutinert og får lagt NHH-spelaren i bakken. Frispark og ifølge NHH sin trønderske trener var dette på grensa til rødt kort. Frisparket får ikkje NHH noke ut av. Kort tid etter er det A/L sin høgrekant, unge Frank Lilledal sin tur til å sette fart. Han forserer et par mann før han blir tatt innanfor dommaren dømmer straffe. Flott prestasjon igjen av stortalentet. Daniel Waage gjer seg klar til å ta straffa men diverre slenger NHH sin keeper seg rett vei og reddar. Ingen dårlig straffe men den er i keeperhøyde og  A/L går glipp av ein drømmestart på kampen.

Resten av førsteomgang ber preg av at bana er humpete og noko uvant for begge lag. A/L har stort sett full kontroll bakover og det lille NHH skaper kjem på dødballer. Framover er det litt unøyaktighet i den siste delen som hindrar A/L i å skapa det heilt store. Omgangens største sjanse får Daniel Waage då han set eit skudd via ein NHH-forsvarer like til side frå mål. I tillegg har Terje Alvik et par gode muligheter på dødball.

Det står 0-0 til pause og vel 50 frammøte heimesupportarar har nok sett meir underhaldande kampar. Heldigvis serverer kiosken nystekte vafler og hot-dogs. Bana innbyd ikkje til finspel og midtbana til Austrheim slit med ballbehandlinga. Ballen har heller ikkje humpa riktig vei heilt på topp. Skal denne kampen vinnas må ein utnytta dei få sjansane ein får.

I andre halvleik fortsetter A/L med eit lite overtak, dog utan å skape nokon store målsjanser. Det kan virke som det knyt seg litt når ein nærmer seg mål og ein mangler ein del på toppformen heilt framme. NHH skaper særs lite offensivt og etter 58 min blir det endå vanskeligere for studentane. NHH sin gode midtstopper er i duell med Are Førde som ender med at Førde sparkar ballen til innkast. Den elles gode dommaren dømmer kast til A/L, noko som gjer at midtstopperen rett og slett blir forbanna og gjer uttrykk for dette. Men no har dommaren fått nok av sytinga til NHH og vel å dra fram det gule kortet. Då dommeren skal notere ned draktnummeret blir han oppmerksom på at nr. 5 allereie har gult kort. Dermed rødt kort og NHH er nede i 10 mann. Dette var nok neppe planlagt frå dommaren si sia.

Kort tid etter utvisninga får Kjartan Ervik ein stor sjanse då ein retur etter et innlegg dett ned på 14 meter. Dessverre speler grasmatta Ervik et puss og ballen går rett opp og over mål. Etter dette har A/L mykje av banespelet og kjem til ein del halvsjanser. NHH er sporadisk oppe og prøvar seg utan at keeper Bongom blir satt på prøve. I det klokka runder 90 minutt kjem Karl Ludvig Daae til ein sjanse då han får ballen med seg på løp inn i 16-meteren. Ein NHH-forsvarer får avverga i siste liten og i tillegg tråkkar Daae forkjært og må byttes ut. Heilt på tampen får A/L omgangens største sjanse då ein god corner ender i klabb og babb like framfor mål før keeper får slått ballen til ny corner. Denne ender i nok ein halvsjanse før dommaren bles av etter ca. 6 minutt tillegg.

Det vart nok ein skuffelse for A/L som burde tatt 3 poeng i ein kamp dei hadde såpass god kontroll på. Hadde ein tatt leiinga på straffa tidleg i kampen kunne alt sett annerledes ut. Men det mangler litt sprut offensivt og siste del av kampen ber preg av mange tunge bein. Bakover er det imidlertid bunnsolid og keeper Bongom kan for første gong i år vise smultringteiknet. Som i førre kamp var Frank Lilledal et aktivum fram til han gjekk ut etter å ha blitt sparka gul og blå. I tillegg var Kjetil Bjørsvik meget bra på sin høgreback til krampa tok han. Gledelig var det og at Terje Håland spelte 90 minutt etter lyskeproblemene i vinter. Det er no 9 dager til neste kamp borte mot Loddefjord som i Tor’s tabelltips er tippa på 3.plass. Ingen enkel oppgåve.