Erdal — Austrheim/Lindås

Laurdagens motstandar var divisjonskollega Erdal frå Askøy. Som oss er dei nyopprykka til fjerdedivisjon. Av aktuelle spelarar mangla me ei heil røys til denne kampen av ulike årsakar. Øyvind Bjerkestrand, Sjur Brandtun, Roald Sletten, Jan Terje Sætre, Terje Håland, Kjetil Haugland, Kjetil Bjørsvik, Gunnar Korsfur, Stian Birkestrand, Geir Hamre, Karl Ludvig Daae, Marius Fredriksen, Håvard Vagstad, Sondre Sande og Terje Alvik er alle spelarar som kan vera aktuelle i ei startoppstilling den 10 april då fyrste serierunde sparkast i gong.

Me starta i ei kjent 4-4-2 formasjon då me skulle ligga lavt og komprimert med laget vårt. Dette fungerte til punkt og prikke den fyrste halve timen då ma hadde full kontroll på det rutinerte Erdal-mannskapet. Etter om lag 25 minutt kunne Are Førde gjera 0-1 då han fekk snappa opp eit langt frisparkoppspel frå Andre Sætre Solheim. Etter dette byrja det å sleppa litt i presset vårt. Me kom litt på etterskot ved nokre høve og Erdal produserte eit par gode sjansar som Ørjan Bongom tok seg av. Etter 34 minutt vert me ståande for høgt på vår høgreside. Ein Erdalspelar får ein fin stikkar igjennom og kan utlikna.

Like etter er det fullstendig svikt i markeringa på ein kårner og Erdal får to sjansar til å hamra ballen forbi ein sjanselaus Bongom i buret.

Like etter pause kunne Erdal gjera nok eit mål og dermed 3-1. Kjartan Ervik som hadde hatt ein god kamp som sentral midtbanespelar gjekk ut saman med Sindre Hodne Manger med overtråkk og ein sliten Martin Ystebø. Inn kom Hans Martin Martinussen, Frank Martin Lilledal og dagens debutant, gutespelar Bjørn Harald Nævdal.

Utover i omgangen vart det fleire slitne bein. Både Espen Dahle og Anders Langøy ba om å få bytta utan at me hadde fleire å setja inn. Me gjennomførte likevel på ein ok måte og nekta Erdal fleire skåringar. Diverre var det for mange som vart slitne så me ikkje klarte å setja det naudsynte trykket på Erdal. Nokre sjansar kom me til men utan å få utteljing.

Kjartan Ervik er nevnt. Han jobba godt den timen han spelte og imponerer med tofotsdriblingar der motstandarane vert ståande attende som store spørjeteikn. Sindre Førde gjer ein grei figur som venstreback og kan bli enda betre når han får på plass litt meir tryggleik i posisjoneringa si i denne posisjonen. Me har ein veg å gå i det offensive spelet vårt men tendensane er der. Med større løpskapasitet og tryggleik i rollane våre vil dette komma etterkvart. Midtsopparparet gjer også ein grei figur men kan ta meir styring og kommando bakfrå.